“Yuventus” “Bavariya”nın qapıçısı Manuel Noyerlə maraqlanır.

Bu barədə “France Football” nəşri məlumat yayıb. Mənbənin yazdığına görə, Turin klubu Noyerin “Bavariya” rəhbərliyi ilə soyuq münasibətindən istifadə etmək istəyir. Xatırladaq ki, Noyer yayda “Şalke”dən “Bavariya”ya keçəcəyi gözlənilən Aleksander Nyubelin mümkün transferinin əleyhinədir.

Maraqlıdır ki, Noyer özü 2011-ci ildə “Bavariya”ya məhz “Şalke”dən gəlib. Onunla müqavilə müddəti isə 2021-ci ilin yayında başa çatacaq.